IRCTC Karnataka Tour : కర్ణాటకలోని 5 పుణ్యక్షేత్రాల సందర్శన, హైదరాబాద్ నుంచి ఐఆర్సీటీసీ టూర్ ప్యాకేజీ ఇదే!

పర్యటన ఇలా : ఉడిపి - శృంగేరి - ధర్మస్థల - కుక్కే - మంగళూరు (05 రాత్రులు / 06 రోజులు)

కాచిగూడ రైల్వే స్టేషన్ నుంచి ఉదయం 06:05 గంటలకు కాచిగూడ - మంగళూరు సెంట్రల్ ఎక్స్‌ప్రెస్‌(నెంబర్ 12789) బయలుదేరుతుంది. ఓవర్ నైట్ జర్నీ చేస్తారు.

ఉదయం 09:30 గంటలకు రైలు మంగళూరు సెంట్రల్ చేరుకుంటుంది. రైల్వే స్టేషన్ లో పర్యాటకులను పికప్ చేసుకుని ఉడిపికి తీసుకెళ్తారు. హోటల్‌లో చెక్ ఇన్ చేస్తారు. అనంతరం శ్రీ కృష్ణ దేవాలయం, మల్పే బీచ్ సందర్శిస్తారు. రాత్రి ఉడిపిలో బస చేస్తారు.

హోటల్ నుంచి చెక్ అవుట్ చేసి శృంగేరికి బయలుదేరతారు. శృంగేరి శారదాంబ ఆలయాన్ని సందర్శిస్తారు. తర్వాత మంగుళూరు బయలుదేరివెళ్తారు. మంగుళూరు చేరుకుని హోటల్‌లో చెక్ ఇన్ చేస్తారు. మంగుళూరులో రాత్రి బస చేస్తారు.

ఉదయం మంజునాథ ఆలయాన్ని సందర్శించేందుకు ధర్మస్థలానికి బయలుదేరతారు. అనంతరం కుక్కే సుబ్రహ్మణ్యానికి వెళ్తారు. సాయంత్రం తిరిగి మంగుళూరు చేరుకుని రాత్రి బస చేస్తారు.

మంగుళూరులోని స్థానిక దేవాలయాలు మంగళ దేవి ఆలయం, కద్రి మంజునాథ దేవాలయం సందర్శిస్తారు. స్థానికంగా షాపింగ్ చేసుకోవచ్చు. సాయంత్రం తన్నెరభావి బీచ్, కుద్రోలి గోకర్నాథ ఆలయాన్ని సందర్శిస్తారు. రాత్రి 7:00 గంటలకు మంగుళూరు సెంట్రల్‌ రైల్వేస్టేషన్ లో డ్రాప్ చేస్తారు. రైలు నం. 12790లో తిరిగి హైదరాబాద్ కు రాత్రి 08:05 గంటలకు బయలుదేరతారు. ఓవర్ నైట్ జర్నీ ఉంటుంది.

రాత్రి 11:40 గంటలకు కాచిగూడ చేరుకుంటారు. దీంతో పర్యటన ముగుస్తుంది.