TG Govt : విద్యాసంస్థల్లో వికలాంగులకు 5 శాతం రిజర్వేషన్లు, తెలంగాణ సర్కార్ కీలక నిర్ణయం

TG Govt : తెలంగాణ ప్రభుత్వం కీలక నిర్ణయం తీసుకుంది. విద్యా సంస్థల్లో వికలాంగులకు 5% రిజర్వేషన్ కల్పిస్తూ ఆదేశాలు జారీ చేసింది. రాష్ట్రంలోని అన్ని ప్రభుత్వ ఉన్నత విద్యా సంస్థలు, ప్రభుత్వం నుంచి సహాయం పొందుతున్న ఇతర ఉన్నత విద్యా సంస్థలు బెంచ్మార్క్ వైకల్యాలున్న వ్యక్తుల కోసం ఐదు శాతం కంటే తక్కువ కాకుండా సీట్లను రిజర్వ్ చేయాలని ఉత్తర్వులు జారీ చేసింది. బెంచ్మార్క్ వైకల్యాలున్న వ్యక్తులకు ఉన్నత విద్యా సంస్థలలో ప్రవేశానికి ఐదు సంవత్సరాల గరిష్ట వయోపరిమితి సడలింపు ఇవ్వాలని ఆదేశాలు ఇచ్చింది.