ARTICLE AD
TG ICET 2024 Results Updates: తెలంగాణ ఐసెట్ -2024 ప్రవేశ పరీక్ష ఫలితాలు వచ్చేశాయ్..! శుక్రవారం సాయంత్రం 4 గంటల తర్వాత ఉన్న‌త విద్యా మండ‌లి చైర్మ‌న్ ఆర్ లింబాద్రి, కాకతీయ యూనివ‌ర్సిటీ ఇంఛార్జి వీసీ వాకాటి క‌రుణతో పాటు ఐసెట్ కన్వీనర్ ఫలితాలను వెల్లడించారు.
https://icet.tsche.ac.in/ వెబ్ సైట్ లోకి వెళ్లి అభ్యర్థులు ఫలితాలను చెక్ చేసుకోవచ్చు. తెలంగాణలో ఎంబీఏ, ఎంసీఏ కోర్సుల్లో ప్రవేశాల కోసం ఈ నెల 5, 6 తేదీల్లో ఐసెట్ ప్రవేశ పరీక్షను నిర్వహించారు. ప్రిలిమినరీ ఆన్సర్ కీని విడుదల చేయటంతో పాటు అభ్యంతరాలను కూడా స్వీకరించారు. ఈ ప్రక్రియ పూర్తి కావటంతో ఇవాళ రిజల్ట్స్ ను విడుదల చేశారు.
తెలంగాణ ఐసెట్ పరీక్ష కోసం 86156 మంది దరఖాస్తు చేసుకున్నారు. 77942 మంది అభ్యర్థులు హాజరయ్యారు. వీరిలో 71 వేల 647 మంది ఉత్తీర్ణులు కాగా.. ఉత్తీర్ణత శాతం 91.92 శాతంగా నమోదైంది.
ఎంబీఏ 272 కాలేజీల్లో 35 వేల 949 సీట్లు అందుబాటులో ఉన్నాయి. ఎంసీఏ 64 కాలేజీల్లో 6990 సీట్లు ఉన్నాయి. జూన్ 5, 6 తేదీల్లో ఏపీ, తెలంగాణ రాష్ట్రాల్లోని 116 కేంద్రాల్లో ఐసెట్ పరీక్షలు జరిగిన సంగతి తెలిసిందే.
TG ICET Resullts 2024 Check : తెలంగాణ ఐసెట్ ఫలితాలను ఇలా చెక్ చేసుకోవచ్చు..
తెలంగాణ ఐసెట్ పరీక్ష రాసిన అభ్యర్థులు https://icet.tsche.ac.in/ వెబ్ సైట్ లోకి వెళ్లాలి.హోంపేజీలో కనిపించే ICET Results 2024 ఆప్షన్ పై క్లిక్ చేయాలి.మీ హాల్ టికెట్ నెంబర్ తో పాటు Registration Number, పుట్టినతేదీ వివరాలను ఎంట్రీ చేయాలి.సబ్మిట్ బటన్ పై నొక్కితే మీ ర్యాంక్ కార్డు డిస్ ప్లే అవుతుంది.ప్రింట్ లేదా డౌన్లోడ్ అనే ఆప్షన్ పై క్లిక్ చేస్తే కాపీ పొందవచ్చు.అడ్మిషన్ ప్రక్రియలో ర్యాంక్ కార్డు కీలకం.తెలంగాణ స్టేట్ ఇంటిగ్రేటెడ్ కామన్ ఎంట్రన్స్ టెస్ట్(ఐసెట్) పరీక్షలను ఈ ఏడాది కాకతీయ వర్శిటీ నిర్వహిస్తోంది. తెలంగాణ ఐసెట్ పరీక్షలు జూన్ 5 నుంచి 6వ తేదీ వరకు పలు సెషన్లల్లో జరిగాయి.
