TS EAPCET 2024 Results Updates : తెలంగాణ ఈఏపీసెట్‌ ఫలితాలు విడుదల - సత్తా చాటిన ఏపీ విద్యార్థులు

లాస్ట్ ఇయర్ తో పోల్చితే ఇంజనీరింగ్ లో ఉత్తీర్ణత శాతం తగ్గింది. అగ్రికల్చర్ అండ్ ఫార్మసీ లో ఉత్తీర్ణత శాతం పెరిగింది. అగ్రికల్చర్, అండ్ ఫార్మసీ,ఇంజనీరింగ్ లో అమ్మాయిలదే హవా కొనసాగింది.

ఇంజినీరింగ్, అగ్రి స్ట్రీమ్ ఫలితాల్లో ఏపీ విద్యార్థులు సత్తా చాటారు.ఇంజినీరింగ్, అగ్రి స్టీమ్ ఫలితాల్లో మొదటి ర్యాంక్ ఏపీ విద్యార్థులే సొంతం చేసుకున్నారు.

కర్నూలుకు చెందిన హర్షకు ఎంసెట్ ఫలితాల్లో రెండో ర్యాంక్ దక్కింది.

ఎంసెట్ ఫలితాల్లో గతేడాదితో పోల్చితే ఈసారి 3 శాతం ఉత్తీర్ణత పెరిందని అధికారులు వెల్లడించారు.

శ్రీకాకుళం జిల్లాకు చెందిన జ్యోతిరాధిత్యకు తెలంగాణ ఈఏపీసెట్ లో ఫస్ట్ ర్యాంక్ దక్కింది.

తెలంగాణ ఈఏపీసెట్ రాసిన ఏపీ విద్యార్థుల్లో 34 వేల మందికిపైగా అర్హత సాధించారు.

తెలంగాణ ఈఏపీసెట్-2024 ఇంజినీరింగ్ పరీక్షలు మే 9న ప్రారంభమై… 11తో ముగిశాయి. మొత్తంగా ఇంజినీరింగ్ విభాగానికి మొత్తం 2,54,750 మంది దరఖాస్తు చేయగా... వీరిలో 2,40,617 మంది పరీక్షలు రాశారని అధికారులు వెల్లడించారు. ఇక ఫార్మసీ విభాగం పరీక్షలకు 1,00,432 మంది దరఖాస్తు చేసుకున్నారు. వీరిలో 91 వేల మందికిపైగా విద్యార్థులు పరీక్షలు రాసినట్లు వివరించారు.

ఫలితాల విడుదల తర్వాత ఎంసెట్ కౌన్సిలింగ్ షెడ్యూల్ ను ప్రకటించనున్నారు.

ఈ ఏడాది 3 లక్షలకు పైగా విద్యార్థులు పరీక్షలు రాసినట్లు ఉన్నత విద్యామండలి ఛైర్మన్ లింబాద్రి పేర్కొన్నారు.

జేఎన్టీయూ హైదరాబాద్ లో తెలంగాణ ఎంసెట్ ఫలితాలను విడుదల చేశారు.ఇందుకు సంబంధించిన వివరాలను తెలంగాణ ఉన్నత విద్యామండలి ఛైర్మన్ లింబాద్రి వివరించారు.

తెలంగాణ ఎంసెట్ ఫలితాలు కాసేపట్లో విడుదల కానున్నాయి.

తెలంగాణ ఈఏపీసెట్(ఎంసెట్)ఫలితాల విడుదలకు ముహుర్తం సిద్ధమైంది. 11 గంటలకు ఫలితాలను ప్రకటించనున్నారు.

ఉదయం 11 గంటలకు హైదరాబాద్ లోని జేఎన్టీయూలో తెలంగాణ ఎంసెట్(ఈఏపీసెట్) ఫలితాలను వెల్లడించనున్నారు. https://eapcet.tsche.ac.in/ వెబ్ సైట్ లోకి వెళ్లి ఫలితాలను చెక్ చేసుకోవచ్చు.

మరికాసేపట్లో తెలంగాణ ఈఏపీసెట్ ఫలితాలు అందుబాటులోకి రానున్నాయి. 11 గంటలకు అధికారులు ఫలితాలను ప్రకటించనున్నారు.

గతేడాది నిర్వహించిన ఎంసెట్ పరీక్షలో ఇంజినీరింగ్‌లో అనిరుధ్‌కు మొదటి ర్యాంకు, వెంకట మణిందర్‌రెడ్డికి రెండో ర్యాంకు దక్కింది. ఉమేశ్‌కు మూడో ర్యాంకు, అభినిత్ -4, ప్రమోద్ కుమార్ రెడ్డి 5, ధీరజ్ కుమార్ -6, శన్వితా రెడ్డి -7, సంజనకు 8వ ర్యాంక్ దక్కింది. ఇక అగ్రికల్చర్ విభాగంలో జశ్వంత్ కు మొదటి ర్యాంక్, వెంకటతేజకి రెండో ర్యాంక్, లక్ష్మి పసుపులాటి మూడో ర్యాంక్ రాగా.. కార్తికేయ రెడ్డికి నాలుగో ర్యాంక్ దక్కింది.

గతేడా మే 25వ తేదీన తెలంగాణ ఎంసెట్ ఫలితాలు విడుదలయ్యాయి.

2023లో జరిగిన తెలంగాణ ఎంసెట్ పరీక్షల వివరాలు చూస్తే…. అగ్రికల్చర్, ఫార్మసీ కలిపి సుమారు 1.05 లక్షల మంది పరీక్షలు రాశారు. వీరిలో 86 శాతం అర్హత సాధించారు, ఇంజినీరింగ్‌లో 80 శాతం అర్హత సాధించారు. ఇంజినీరింగ్‌లో అబ్బాయిలు 79 శాతం, అమ్మాయిల్లో 82 శాతం ఉత్తీర్ణత సాధించారు.

తెలంగాణ ఈఏపీసెట్ ఫలితాల ద్వారా రాష్ట్రంలో ఉన్న ఇంజినీరింగ్ కాలేజీల్లో ప్రవేశాలు కల్పిస్తారు.

టీఎస్ ఈఏపీ సెట్‌ ఫలితాలు శనివారం ఉదయం 11 గంటలకు విడుదల కానున్నాయి. విద్యాశాఖ ముఖ్య కార్యదర్శి బుర్రా వెంకటేశం, ఉన్నత విద్యామండలి ఛైర్మన్‌ లింబాద్రి హైదరాబాద్ జేఎన్టీయూహెచ్‌లో ఫలితాలను విడుదల చేయనున్నారు.

తెలంగాణ ఈఏపీసెట్-2024 ఇంజినీరింగ్ పరీక్షలు మే 9న ప్రారంభమై… 11తో ముగిశాయి. మొత్తంగా ఇంజినీరింగ్ విభాగానికి మొత్తం 2,54,750 మంది దరఖాస్తు చేయగా... వీరిలో 2,40,617 మంది పరీక్షలు రాశారు. ఇక ఫార్మసీ విభాగం పరీక్షలకు 1,00,432 మంది దరఖాస్తు చేసుకున్నారు. వీరిలో 91 వేల మందికిపైగా విద్యార్థులు పరీక్షలు రాశారు.

అగ్రికల్చర్‌, ఫార్మసీ కోర్సుల్లో ప్రవేశాల కోసం మే 7, 8 తేదీల్లో పరీక్షలు నిర్వహించారు.

మే 9, 10, 11 తేదీల్లో ఇంజినీరింగ్‌ స్ట్రీమ్ పరీక్షలను నిర్వహించారు. ఈ ఏడాది ఇంజినీరింగ్‌ స్ట్రీమ్ కు భారీగా దరఖాస్తులు వచ్చాయి. మొత్తం 2,54,543 మంది దరఖాస్తు చేసుకున్న సంగతి తెలిసిందే, గతేడాదితో పోల్చితే ఈసారి ఇంజినీరింగ్ స్ట్రీమ్ కు ఎక్కువ మంది అప్లయ్ చేసుకున్నారు.

తెలంగాణ ఈఏపీసెట్ పరీక్షలు రాసిన అభ్యర్థులు https://eapcet.tsche.ac.in/ వెబ్ సైట్ లోకి ఫలితాలను చెక్ చేసుకోవచ్చు.

ఇంజినీరింగ్, అగ్రికల్చర్, ఫార్మసీ కోర్సుల్లో ప్రవేశాలకు నిర్వహించిన ఈఏపీ సెట్‌ ఫలితాలు శనివారం ఉదయం 11 గంటలకు విడుదల కానున్నాయి.

ఇవాళ తెలంగాణ ఈఏపీ సెట్‌ - 2024 ఫలితాలు విడుదల కానున్నాయి. ఉదయం 11 గంటలకు విద్యాశాఖ అధికారులు రిజల్ట్స్ ను ప్రకటించనున్నారు.