TGPSC Group 3 : గ్రూప్ 3 అభ్యర్థులకు అప్డేట్ - పరీక్షల షెడ్యూల్ విడుదల, నవంబర్ 10న హాల్ టికెట్లు విడుదల

3 weeks ago 17

ARTICLE AD

TGPSC Group 3 Exam 2024 : గ్రూప్ 3 అభ్యర్థులకు తెలంగాణ పబ్లిక్ సర్వీస్ కమిషన్ కీలక అప్డేట్ ఇచ్చింది. పరీక్షల షెడ్యూల్ ను విడుదల చేసింది. నవంబర్ 17, 18 తేదీల్లో పరీక్షలు జరగనున్నాయి. ఇందుకు సంబంధించి సమయాలను పేర్కొంది.

తెలంగాణ గ్రూప్ 2 పరీక్షల షెడ్యూల్

తెలంగాణ గ్రూప్ 3 పరీక్ష తేదీలపై పబ్లిక్ సర్వీస్ కమిషన్ ప్రకటన విడుదల చేసింది. నవంబర్ 17, 18 తేదీల్లో ఎగ్జామ్స్ ఉంటాయని పేర్కొంది. 17వ తేదీన ఉదయం పేపర్ 1, మధ్యాహ్నం పేపర్ -2 ఉంటాయని వివరించింది. 18వ తేదీన చివరి పేపర్ పరీక్ష(ఉదయం 10 నుంచి 12.30 గంటలు) ఉంటుందని ప్రకటించింది. https://www.tspsc.gov.in/ వెబ్ సైట్ లో పూర్తి వివరాలను తెలుసుకోవచ్చని తెలిపింది.

నవంబర్ 17 : ఉదయం పేపర్ 1 ఉంటుంది. 10 గంటల నుంచి 12.30 వరకు నిర్వహిస్తారు. పేపర్ 2 పరీక్ష 3 గంటలకు ప్రారంభమవుతుంది. సాయంత్రం 05.30 గంటలకు పూర్తి అవుతుంది.నవంబర్ 18 : పేపర్ 3 పరీక్ష ఉదయం 10 గంటలకు ప్రారంభమై.. మధ్యాహ్నం 12.30 గంటలకు పూర్తవుతుంది.

ఇక గ్రూప్ 3 పరీక్షలకు సంబంధించిన హాల్ టికెట్లు నవంబర్ 10వ తేదీన అందుబాటులోకి వస్తాయని టీజీపీఎస్సీ వెల్లడించింది. కమిషన్ వెబ్ సైట్ నుంచి అభ్యర్థులు డౌన్లోడ్ చేసుకోవాల్సి ఉంటుందని తెలిపింది. మోడల్ ఆన్సర్ బుకెలెట్ షీట్లను కూడా వెబ్ సైట్లో అందుబాటులో ఉంచినట్లు వివరించింది. ఈ నోటిఫికేషన్ లో భాగంగా మొత్తం కొలువుల సంఖ్య 1,388 భర్తీ చేయనున్నారు. ఈ పరీక్ష కోసం రాష్ట్ర వ్యాప్తంగా దాదాపు 5,36,477 మంది దరఖాస్తు చేసుకున్నారు.

మొత్తం 3 పేపర్లు - పరీక్షా విధానం ఇలా:

తెలంగాణ గ్రూప్ 3 పరీక్షలో మొత్తంగా 3 పేపర్లు ఉంటాయి.ఒక్కో పేపరుకు 150 మార్కుల చొప్పున 450 మార్కులకు పరీక్షలు నిర్వహిస్తారు.ఒక్కో పేపరు రాసేందుకు రెండున్నర గంటల సమయం ఉంటుంది.ప్రతి పేపర్‌లోనూ 150 ప్రశ్నలుంటాయి. ఒక్కో ప్రశ్నకు ఒక మార్కు ఉంటుంది. ఈ పరీక్షల్లో అత్యధిక మార్కులు సాధించిన అభ్యర్థులను పోస్టులకు ఎంపిక చేయనున్నారు.గ్రూప్ 3 పోస్టులకు ఎలాంటి ఇంటర్వూ ఉండదు. రాత పరీక్షలను తెలుగు, ఇంగ్లిష్‌, ఉర్దూ భాషల్లో నిర్వహిస్తారు.గ్రూప్ 3లోని మొదటి పేపర్ లో జనరల్ నాల్జెడ్ కి సంబంధించి ఉంటుంది. ఇక పేపర్‌-2లో మొత్తం 3 అంశాలు ఉండగా.. ప్రతి అంశంపై 50 ప్రశ్నలు.. 50 మార్కులు ఉంటాయి. ఇదే పేపర్‌లో భారత రాజ్యాంగం అంశానికి 50 మార్కులు, భారత చరిత్రకు మరో 50 మార్కులు ఇచ్చారు.తెలంగాణ సామాజిక, సాంస్కృతిక చరిత్ర, ప్రత్యేక రాష్ట్ర ఏర్పాటు అంశానికి 50 మార్కులు ఉంటాయి. పేపర్‌-3లో మూడు అంశాలుండగా.. ఒక్కో అంశానికి 50 మార్కులున్నాయి. వీటిలో భారత ఆర్థిక వ్యవస్థ, తెలంగాణ ఆర్థిక వ్యవస్థ, అభివృద్ధిలో మార్పులు వంటి అంశాలున్నాయి.